‘आफ्नो नेपाल आमालाई माया गर्न नेपालमै बस्नुपर्छ ?’

हाल अमेरिकामा रहेकी कुनै बेलाकी चर्चित नायिका जल शाहले आफ्नो नेपाल आमालाई माया गर्न नेपालमा नै बस्नुपर्छ भनेर प्रश्न गर्दै रोष व्यक्त गरेकी छिन् ।

सोमबार आफ्नो आधिकारिक फेसबुक अकाउन्टमा उनले यस्तो प्रश्न सोध्दै लेखेकी छिन्, ‘केही मानिसहरुको बोली अनुसार म देशलाई माया गर्छु त्यसैले म विदेशमा बसेको छैन । यो कस्तो मानसिकता हो ? कत्तिको जायज छ ? तर यदि तपाईंको देशप्रतिको कर्तव्य र योगदान हेर्ने हो भने त्यो त शून्य छ । नेपालमा बस्दैमा आफूमात्र इमान्दार ? कस्तो खोक्रो बोली छिन छिनमा बदलिँदै जाने ?’

यसका साथै उनले नेपालीहरु कोही पनि आफ्नो देश र परिवारबाट टाढा हुन नचाहने र संसारभरी छरिएर आफ्नो सीप अनुसारको काम गर्दै परिवारको पेट पालिरहेको बताएकी छिन् ।

यसबारे उनले प्रश्न सोधेकी छिन्, ‘ उनीहरूलाई ,मलाईं जस्तै देशप्रतिको कर्तव्य, सम्मान र प्रेम देखाउन कसैको अनुमति चाहिन्छ र ? देशमा जुनसुकै विपत्ति आइपर्दा पनि विदेशमा बस्ने नेपालीहरू एक भएर अगाडि बढेका छन् ,सहयोगका लागि । ’

उनले नेपालीको पनि दुईवटा जात हुन्छ र भनेर प्रश्न सोधेकी छिन् । निकै कडा शब्दमा उनले लेखेकी छिन्, ‘ नेपालमा बस्ने नेपालीहरुको रगतको रंग गाढा रु नेपाल बाहिर बसोबास गर्ने नेपालीहरुको रगतको रंग फिक्का रु नेपालीको पनि दुइवटा जात हुन्छ र रु के बाहिर वस्ने नेपाली , नेपाली नै होइनन्रु देशमा बसेर ठूलो ठूलो गफ हाकेर आफ़नो देशलाई ठग्न र नङ्ग्याउन हामीलाई त आउदैन । हामीलाई आफ्नो देश रक्षाको लागी मर्न चाही आउँछ । ’

प्रतिक्रिया दिनुहोस्